Bo ta afiliá na un museo, institushon di patrimonio òf arte plástiko na Aruba, Boneiru, Kòrsou, Saba, Sint-Eustatius i Sint-Maarten? Bo organisashon ta aportá pa hasi arte plástiko òf patrimonio visibel na e islanan pa medio di por ehèmpel tene presentashon dirigí riba públiko, rebalorashon di kolekshonnan òf programanan di aktividat multifasétiko? Of boso institushon tin bon idea tokante interkambio duradero di konosementu, investigashon, kolaborashon i/òf profeshonalisashon di e sektor di arte i kultura? Kisas boso por hasi uso di Konvokashon Habrí Arte Patrimonio Karibense.
Pa ken?
Museo, institushon di patrimonio òf arte plástiko na parti karibense di Reino hulandes (Aruba, Boneiru, Kòrsou, Saba, Sint-Eustatius i Sint-Maarten).
Lesa e splikashon kompleto, kriterionan i kondishonnan:
hulandes
ingels
papiamentu den pdf
Pakiko
Por usa e kontribushon pa proyektonan dirigí riba kolekshonnan, interkambio di konosementu, programanan di kontenido i presentashonnan ku ta aksesibel pa públiko. Por pensa riba eksposishon, rebalorashon di kolekshonnan, kolaborashonnan spesial (interinsular) entre institushonnan di patrimonio i arte plástiko i/òf investigashon. Denter di e konvokatorio akí tambe ta posibel pa hasi un petishon pa un kontribushon riba tereno di desaroyo organisashonal.
Motibu di e konvokashon akí
Ku e konvokashon akí Mondriaan Fonds ke duna un aporte na desaroyo di museonan, institushonnan di patrimonio i arte plástiko den e parti karibense di Reino hulandes. E konvokashon ta parti di un pilot mas amplio pa haña un mihó bista di e arte plástiko i práktika di patrimonio karibense, pa por hasi e maneho di fondo aksesibel i relevante pa petishonarionan den e region akí tambe.
Deadline
Deadline pa por hasi petishon pa e Konvokashon Habrí Arte Patrimonio Karibense, ta riba 16 di mei di 2022 promé ku 5 or (zona di tempu Central European Time, UTC+1)/ promé ku 11 or (zona di tempu Atlantic Standard Time, ora na Karibe).